Azərbaycanın yeniyetmə boksçusu Səftər Məmmədzadə Bosniya və Herseqovinanın paytaxtı Sarayevoda keçirilən Avropa birinciliyində finala yüksəlib.

Sportfm.az Azərbaycan Boks Federasiyasına istinadən xəbər verir ki, 80 kq çəkidə mübarizə aparan milli üzvü yarımfinalda ermənistanlı Qraç Xaçatryanla qarşılaşıb.

Döyüş boksçumuzun qələbəsi ilə yekunlaşıb. Məmmədzadə rəqibini 4:1 (30:27, 29:28, 30:27, 30:27, 28:29) hesabı ilə məğlub edib və finala vəsiqə qazanıb.

O, çempionluq uğrunda görüşdə rusiyalı Rüstəm Həsənovla münasibətinə aydınlıq gətirəcək. Döyüş iyunun 30-da olacaq.

Qeyd edək ki, yığmamızın daha 3 boksçusu yarımfinal görüşünə çıxacaq.

Oxşar xəbərlər

Avropa birinciliyində finala vəsiqə qazandı

Boksçumuz polşalı rəqibini məğlub etdi - Lisenziya turniri

İki boksçumuz finala yüksəldi

Azərbaycanın 2 boksçusu finala çıxdı - Beynəlxalq turnir

Boksçularımız finalda - 3-ü bürünc medal qazandı