Rusiyanın Kazan şəhərində keçirilən BRICS Oyunlarında güləş yarışlarına yekun vurulub.

Sportfm.az xəbər verir ki, bu gün yunan-Roma güləşi üzrə qaliblər müəyyənləşib. Oyunlara məşqçilər Elvin Mürsəliyevlə Zöhrab Abbasovun rəhbərliyi altında tam heyətlə qatılan komandamızın 6 üzvü fəxri kürsüyə qalxıb.

Arif Niftullayev (97 kq) çempion olub. Ziya Babaşovla (63 kq) Təvəkgül Həziyev (67 kq) ikinci, Tuncay Vəzirzadə (82 kq), Məhəmməd Əhmədiyev (87 kq) və Sərxan Məmmədov (130 kq) isə üçüncü yeri tutub.

Beləliklə, 1 qızıl, 2 gümüş və 3 bürünc medal qazanan millimiz 151 xalla komanda hesabında 3-cü yeri tutub.

Oxşar xəbərlər

Millimiz Avropa çempionatının qalibi oldu

Güləşçilərimiz Qazaxıstandakı turnirdə 10 medal qazandı

Sərbəst güləş milimiz Avropa 3-cüsü oldu - UĞUR

Güləşçilərimiz beynəlxalq turnirlərdə 3 medal qazandı

Güləşçilərimizdən 9 medal - MDB Oyunları