Mayın 1-də yeniyetmə və gənc stolüstü tennisçilər arasında Azərbaycan birinciliyinə start veriləcək.

Sportfm,az xəbər verir ki, bu barədə Azərbaycan Stolüstü Tennis Federasiyasından (ASTF) məlumat verilib.

Gənclər və İdman Nazirliyi ilə ASTF-nin birgə təşkil edəcəyi yarışda ölkənin müxtəlif şəhər və rayonlarını təmsil edən idmançılar bacarıqlarını göstərəcəklər. “Şüa” İdman Kompleksində keçiriləcək yarışda iki yaş qrupunda – 2005-2008, 2009 və daha kiçik təvəllüdlü stolüstü tennisçilər arasında çempionlar müəyyənləşəcək.

İştirakçılar komanda, şəxsi, qoşa və qarışıq-qoşa növlərində qüvvələrini sınayacaqlar. Fərqlənən idmançılara Gənclər və İdman Nazirliyinin diplom və medalları, həmçinin ASTF-nin mükafatları təqdim olunacaq.

Oxşar xəbərlər

"Şüa"da ölkə birinciliyi

Stolüstü tennis üzrə Azərbaycan çempionatı başladı

Stolüstü tennis üzrə Azərbaycan çempionatı keçiriləcək

Stolüstü tennis üzrə Azərbaycan birinciliyi başa çatdı

Stolüstü tennis üzrə Azərbaycan birinciliyinə start verildi - FOTO