"Fənərbaxça"nın futbolçusu İrfan Can Kahveci mövsümün sonunda komandadan ayrıla bilər.

Sportfm.az xəbər verir ki, uğurlu mövsüm keçirən 28 yaşlı vingeri Avropanın bir neçə klubu transfer etmək istəyir. Bu barədə "Sabah" nəşri məlumat yayıb.

"Sevilya" türk futbolçu üçün "Fənərbaxça"ya 20 milyon dollarlıq təklif göndərib. Lakin İstanbul təmsilçisi bu təklifi qəbul etməyib.

"Nyukasl", "Latsio" və "Renn" də Türkiyə millisinin üzvü ilə yaxından maraqlanır.

Qeyd edək ki, "Fənərbaxça" İrfan Can Kahvecini 2021-ci ilin yanvar ayında "Başakşehir"dən transfer edib. Təcrübəli futbolçu bu mövsüm komandanın heyətində meydana çıxdığı 44 rəsmi matçda 17 qol və 12 məhsuldar ötürmə ilə yadda qalıb. Onun klubla müqaviləsi 2025-ci ilin yayına kimidir.

Oxşar xəbərlər

Ərəbistan klubundan "Fənərbaxça"ya - TRANSFER

“Fənərbaxça” Söyüncü ilə bağlı qərar verdi

Daha bir türk futbolçu Ərəbistana yollanır

Ferdi "Fənərbaxça"dan gedir

Yüksək daha "yüksəyə qalxa bilər"