DÇ-2018-in seçmə mərhələsində Avropa zonası üzrə VI tura start verilib.

Sportfm.az xəbər verir ki, A, B və H qrupunda baş tutan matçlarda növbəti oyunlar keçirilib.

A qrupunda İsveç - Fransa oyunu liderin bəlli olması baxımından əhəmiyyətli olub. Meydan sahibləri qalib gələrək, birinci pilləyə yüksəliblər. Mərhələni yaxşı keçirməyən Hollandiya zəif Lüksemburqu darmadağın edib. Belarus isə Bolqarıstanı xalsız qoyub.

B qrupunun lideri İsveçrə Farer Adalarını, ikinci Portuqaliya isə Latviyanı məğlub edib.

H qrupunda isə Bosniya və Hersoqovina - Yunanıstan matçında hesab açılmayıb. Lider Belçika isə Estoniyaya iki cavabsız qol vurub.

DÇ-2018-in seçmə mərhələsi

VI tur

9 iyun

A qrupu

Belarus - Bolqarıstan - 2:1

Qollar: Sivakov, 33, Savitski, 80 - Dyakov, 90+1

Hollandiya - Lüksemburq - 5:0

Qollar: Robben, 21, Sneyder, 34, Viynaldum, 62, Promes, 70, Yanssen, 84 (pen.)

İsveç - Fransa - 2:1

Qollar: Cimmi Durmaz, 43, Tayvonen, 90+4 - Jiru, 37

B qrupu

Andorra - Macarıstan - 1:0

Qol: Rebes, 26

Farer Adaları - İsveçrə - 0:2

Qollar: Caka, 36, Şakiri, 59

Latviya - Portuqaliya - 0:3

Qol: Ronaldo, 41, 63, Silva, 67

H qrupu

Bosniya və Herseqovina - Yunanıstan - 0:0

Cəbəllütariq - Kipr - 1:2

Qollar: Hernandez, 30 - Çipolina, 10 (öz qapısına), Sotiriu, 81

Estoniya - Belçika - 0:2

Qol: Mertens, 31, Şadli, 86