"Bayer" Almaniya Bundesliqasında 28-ci tur oyununa çıxıb.

Sportfm.az xəbər verir ki, Leverkuzen təmsilçisi səfərdə "Union"la qarşılaşıb. Matç qonaq komandanın 1:0 hesablı qələbəsi ilə başa çatıb. Yeganə qolu 45+8-ci dəqiqədə Virtz vurub. Bununla da, Xabi Alonsunun komandası həm də məğlubiyyətsiz oyunlar seriyasını 41-ə (bütün turnirlərdə) çatdıraraq öz rekordunu yeniləyib.

"Union" - "Bayer" - 0:1
Qol: Virtz, 45+8
Qırmızı vərəqə: Qosens, 45+3 ("Union")

Bu qələbə ilə xalını 76-ə (28 oyun) çatdıran "Bayer" turnir cədvəlinin 1-ci pilləsində qərarlaşıb. Komanda bu turda "Heydanhaym"a 2:3 hesabı ilə uduzan "Bavariya" ilə xal fərqini 16-ya yüksəldib. Münhen təmsilçisi 60 xalla (28 oyun) 2-ci, "Ştutqart" 57 xalla (27 oyun) 3-cüdür. "Bayer" Bundesliqanın 29-cu turunda qələbə qazanacağı təqdirdə vaxtından əvvəl çempion ola bilər.

Oxşar xəbərlər

“Bayer”dən yeni rekord

“Bayer”dən növbəti qələbə - Almaniya Bundesliqası

"Qarabağ"ın rəqibindən məğlubiyyətsiz oyunlar seriyası

“Bayer” rekordunu təkrarladı - 29 il sonra

"Qarabağ"ın rəqibi böyük hesabla qələbə qazandı