Türkiyə Superliqasında 26-cı turun oyunları davam edir.
Sportfm.az xəbər verir ki, Azərbaycan millisinin qolkiperi Şahruddin Məhəmmədəliyevin formasın geyindiyi "Adana Demirspor" səfərdə "Alanyaspor"la qarşılaşıb. Adana təmsilçisi hesabda 0:2 geridə olsa da, yekunda son dəqiqə avtoqolu ilə 3:3 hesablı heç-heçə edib.

"Alanyaspor" - "Adana Demirspor" - 3:3
Qollar: Balkoveç, 20 (1:0), Aydin, 33 (2:0), Akbaba, 67-pen. (2:1), Sari, 70 (2:2), Haderqyonay, 77 (3:2), Aliti, 90+7-avtoqol (3:3)

Şahruddin start heyətdə meydana daxil olub. O, ilk qolu 20-ci dəqiqədə cərimə zərbəsindən buraxıb. İkinci qol zamanı isə (33-cü dəq.) Məhəmmədəliyev ciddi səhvə yol verərək topu rəqibə ötürüb. Bundan isə “Alanyaspor”lu futbolçu ustalıqla yararlanıb.

Fasilə zamanı baş məşqçi Hikmət Karaman Şahruddin Məhəmmədəliyevi Vedat Karakuşla əvəzləyib.

Qeyd edək ki, "Adana Demirspor" 32 xalla 10-cu, "Alanyaspor" 29 xalla 15-cidir.

Oxşar xəbərlər

Şahruddin 2 qol buraxdı

Şahruddin oynadı, komandası bərabərə qaldı - Türkiyə Superliqası

Şahruddin oynadı, komandası qələbə qazandı

Şahruddinin komandasından böyükhesablı qələbə - Türkiyə Superliqası

Şahruddin "Adana Demirspor"da - RƏSMİ