Azərbaycan atleti Nazim Babayev martın 1-3-də Şotlandiyanın Qlazqo şəhərində təşkil olunacaq qış dünya çempionatında zədə səbəbindən iştirak edə bilməyəcək.

Sportfm.az xəbər verir ki, bu barədə uzunluğa tullanma növündə mübarizə aparan 26 yaşlı idmançı məlumat verib.

"Bu gün Maqnit Rezonans Tomoqrafiyasının (MRT) nəticəsi ilə tanış oldum. Ayaq budumun arxa hissəsində dartılma var. Ağır zədə olmasa da, müalicə 2-3 həftə çəkəcək. Təəssüf ki, bu səbəbdən dünya çempionatında iştirak edə bilməyəcəm" - milli üzvü bildirib.

Qeyd edək ki, Nazim Babayev isinmə hərəkətləri zamanı ayaq budunun arxa hissəsində ağrı hiss etdiyinə görə Serbiyada keçirilən “Belqrad qış turniri”nə qatılmadan Bakıya qayıtmışdı.

Oxşar xəbərlər

Ölkəmizi Avropa çempionatında 4 atlet təmsil edəcək

Azərbaycan paraatletləri dünya çempionatında mübarizə aparacaq

İdmançımız yalnız Yuşkadan geri qaldı

Bakıda keçiriləcək dünya çempionatında 19 ölkə iştirak edəcək

Nazim Avropanı fəth etdi - Atletimiz qızıl medal qazandı