12-21 iyul Rumıniyanın Piteşti şəhərində 20 yaşlı oğlanlar arasında Avropa çempionatı "B" divizionun oyunları baş tutacaq.

Sportfm.az xəbər verir ki, püşkatmaya əsasən U-20 yığmamız B qrupunda, Niderland, Böyük Britaniya, Portuqaliya və İrlandiya seçmələrinə rəqib olacaq .

23-28 iyul Albaniyanın Elbasan şəhərində 18 yaşlı oğlanlar arasında baş tutacaq Avropa çempionatı "C" divizionunda U-18 yığmamız B qrupunda, Moldova, Ermənistan və Monako komandalarının rəqibi olacaq. Eyni tarixlərdə U-18 qız millimiz isə, Kosovonun Priştina şəhərində Avropa çempionatı "C" divizionunun B qrupunda, Albaniya, Gürcüstan və Ermənistan yığmaları ilə üz-üzə gələcək.

9-14 iyul Albaniyanın Durres şəhərində 16 yaşlı oğlanlar arasında baş tutacaq Avropa çempionatı "C" divizionunda U-16 yığmamız A qrupunda, Albaniya, Malta və Moldova komandalarının rəqibi olacaq. Eyni tarixlərdə U-16 qız komandamız isə, Cəbəllütariqdə baş tutacaq Avropa çempionatı "C" divizionunun A qrupunda, Gürcüstan, Ermənistan və Kipr seçmələri ilə qarşılaşacaq.

Oxşar xəbərlər

Millimiz Avropa çempionatının yarımfinalında

Millimiz qələbə ilə başladı - Avropa çempionatı

Millimiz mübarizəyə başlayır - Avropa çempionatı

Millimiz mübarizəyə qoşulur - Ermənistanla oyun var

Millimiz Ermənistanla bu tarixdə oynayacaq