“Qəbələ” Misli Premyer Liqanın 20-ci turunun sonuncu oyun günündə “Neftçi” ilə qarşılaşacaq.
Sportfm.az xəbər verir ki, “Neftçi Arena”da baş tutacaq matç iki rəqib arasında 68-ci duel olacaq.

İlk dəfə 2006-cı ildə üz-üzə gələn komandalar indiyədək 67 dəfə görüşüb.

Əvvəlki matçlarda 20 qələbəsi olan “qırmızı-qaralar” 17 dəfə heç-heçə edib. 30 oyunda bakılılar qalib gəlib. Bu görüşlərdə 77 qol vuran “Qəbələ” 96 top buraxıb.

İndiyədək keçirilən qarşılaşmalardan 61-ı Premyer Liqa, 6-sı kuboka təsadüf edib. Bu oyun Premyer Liqa çərçivəsində 62-ci duel olacaq. Əvvəlki 61 matçda 18 qələbəsi olan “Qəbələ” 14 dəfə bir xalla kifayətlənib və 29 dəfə uduzub. Rəqib qapısına 69 dəfə yol tapan “qırmızı-qaralar” 91 top buraxıb.

“Neftçi” ilə səfərdə 34-cü dəfə görüşəcək “Qəbələ” rəqib meydanında 10 dəfə qalib gəlib, 8 heç-heçə edib və 15 dəfə uduzub. “Qəbələ” səfərdə 38 qol vurub, 48-nı buraxıb.

Xatırladaq ki, yanvarın 28-də “Neftçi Arena”da keçiriləcək matç 17:30-da başlayacaq.

Oxşar xəbərlər

75-ci dueldə kim qalib gələcək?

"Qəbələ" ilə 66-cı duel

“Neftçi” ilə “Qəbələ”nin 62-ci dueli

"Qəbələ" - "Neftçi" - 56-cı duel

"Neftçi" - "Qəbələ": 55-ci oyun