20 yaşadək voleybolçu qızlardan ibarət Azərbaycan millisi Litvanın Şaulyay şəhərində keçirilən Şərqi Avropa Voleybol Zonal Assosiasiyası (EEVZA) çempionatında üçüncü oyununa çıxacaq.
Sportfm.az xəbər verir ki, Şahin Çatmanın rəhbərlik etdiyi komanda bu gün Ukrayna ilə qarşılaşacaq.

Oyun Bakı vaxtı ilə saat 16:30-da start götürəcək. Təmsilçimiz əvvəlki iki matçda Estoniya və Latviyaya 0:3 hesabı ilə məğlub olub. U-20 yanvarın 6-da Litva, 7-də isə Polşa ilə münasibətləri aydınlaşdıracaq.

Qeyd edək ki, yanvarın 7-nə qədər davam edəcək yarış AVRO-2024-ə seçmə xarakter daşıyır. Reqlamentə əsasən, çempion komanda qitə birinciliyinin final mərhələsinə vəsiqə qazanacaq.

Oxşar xəbərlər

Bu dəfə də Ukraynaya məğlub olduq

Azərbaycan millisi ikinci oyunda da uduzdu

Millimiz ikinci oyununa çıxacaq - EEVZA

İlk oyundaca məğlub olduq

Millimiz EEVZA çempionatında bu gün ilk oyununa çıxacaq