"Baku Sportinq" futbol klubu mətbuatda gedən əsassız informasiya ilə bağlı açıqlama yayıb.
Sportfm.az saytı klubun mətbuat xidmətinə istinadən xəbər verir ki, "sportinfo.az"-da "Azərbaycanda uduzan komandaya PUL VERDİLƏR" başlıqlı yazıda deyilənlər yalandır. Həmin yazıda qeyd olunur ki, guya paytaxt təmsilçisinin rəhbərliyi ölkə kubokunun ikinci təsnifat mərhələsində «Kəpəz»lə qarşılaşmadan sonra komanda məğlub olsa da, futbolçuların sərgilədiyi performansdan razı qalan rəhbərlik məğlubiyyətə rəğmən, onları mükafatlandırıb və futbolçuların hər birinə 300 manat mükafat verib. "Baku Sportinq" klubu olaraq bildiririk ki, bizdə mükafatı ancaq qələbəyə görə verirlər. Gəncə klubuna qarşı gözəl oyuna və layiqli müqavimətə görə isə bütün futbolçularımıza təşəkkür etdik. İnanırıq ki, bundan sonra KİV-də belə yalan məlumatlar dərc edilməyəcək.

Oxşar xəbərlər

"Baku Sportinq" FK finala çıxdı - UĞUR

“Baku Sportinq” “Sabah”a 4 top vurdu

"Baku Sportinq" məşqçisini işdən azad etdi

“Baku Sportinq”ə 1 qol bəs etdi - II Liqa

2-ci liqa klubuna texniki məğlubiyyət verildi - Qərar