“Qarabağ”ın qapıçısı Andrey Lunyov Rusiya millisinə çağırıla bilər.
Sportfm.az xəbər verir ki, bu barədə yığmanın qapıçılar üzrə məşqçisi Vitali Kafanov Rusiya Futbol İttifaqının mətbuat xidmətinə müsahibəsində deyib.

Mütəxəssis bildirib ki, 32 yaşlı qolkiperin uğurlu çıxışı onların diqqətini çəkib: “Yığmaya namizədlər arasında “Qarabağ”da çox yaxşı çıxış edən Andrey Lunyov da var. O, Avropa Liqasının qrup mərhələsində meydana çıxdığı ilk iki görüşdə qapısının toxunulmazlığını qorumağı bacardı. Lunyov “Neftçi” ilə çempionat qarşılaşmasını da yüksək səviyyədə keçirdi”.

Qeyd edək ki, yay fasiləsində Almaniyanın “Bayer 04” klubundan ayrılan Andrey Lunyov “Qarabağ”a azad agent kimi keçib.

Oxşar xəbərlər

Andrey Lunyov Bakıya qayıtdı

Lunyov ehtiyatda qaldı

Lunyov Rusiya millisinə qoşuldu

“Qarabağ”ın qapıçısının durumu məlum oldu

“Qarabağ”ın qapıçısı milliyə çağırıldı