"Neftçi”nin futbolçusu Kenni Sayef Misli Premyer Liqasının 8-ci turunda “Turan Tovuz”a qarşı keçirəcəkləri oyunla bağlı klubun rəsmi televiziyasına danışıb.

Sportfm.az xəbər verir ki, 29 yaşlı yarımmüdafiəçi qələbəyə kökləndiklərini bildirib:

“Hamımız tam köklənmişik. Daha sonra irəli baxacağıq. Düşünürəm ki, biz tam hazırıq.

Sayef Tovuz şəhər stadionun ot örtüyünün süni olması barədə fikirlərini bölüşüb:

“Bu, “Turan Tovuz”a qarşı çıxış edən hər komanda üçün problemdir. 6-7 saatlıq yol qət edəndən sonra süni ot üzərində oynamaq elə də asan deyil”.

Futbolçu son olaraq cəza səbəbindən bu matçda iştirak etməyəcək Yuri Matiasın komanda üçün vacib futbolçu olduğunu vurğulayıb:

“Amma inanıram ki, bu rəqibə qarşı meydana çıxacaq oyunçular öz işlərinin öhdəsindən layiqincə gələcəklər. Çünki biz “Neftçi”də oynayırıq. Hər kəs tam gücü ilə mübarizə aparmağa çalışacaq”.

Sentyabrın 30-da keçiriləcək “Turan Tovuz” – “Neftçi” görüşü saat 16:00-da start götürəcək.

Oxşar xəbərlər

"Neftçi" - "Turan Tovuz" oyununun biletləri satışda

“Turan Tovuz” “Sumqayıt”a qarşı - Misli Premyer Liqası

"Turan Tovuz" "Sabah"a, "Qarabağ" "Səbail"ə qarşı - Misli Premyer Liqası

"Turan Tovuz" "Araz-Naxçıvan"a, "Sumqayıt" "Səbail"ə qarşı - Misli Premyer Liqası

"Neftçi" "Turan Tovuz"a qalib gəldi - Misli Premyer Liqası