Azərbaycan millisinin üzvü Mahir Emrelinin də çıxış etdiyi Zaqreb "Dinamo"su bu gün Konfrans Liqasının qrup mərhələsində ilk oyununa çıxacaq.

Sportfm.az xəbər verir ki, Xorvatiya təmsilçisi C qrupunda Qazaxıstan "Astana"sını qəbul edəcək. Oyun Bakı vaxtı ilə saat 23:00-da başlayacaq.

Oyunun heyətləri açıqlanıb. Mahir ilk 11-likdə meydana çıxacaq.

"Dinamo" ilə "Astana" bu mövsüm Çempionlar Liqasının 2-ci təsnifat mərhələsində də qarşılaşıblar. Hətta cavab görüşündə Mahir Emreli baxımlı qola imza atıb. "Dinamo" 2 oyunun cəmində (4:0, 2:0) qalib gələrək 3-cü təsnifat mərhələsinə adlamışdı. Lakin Zaqreb klubu bu dəfə AEK səddini keçə bilməyib və Avropa Liqasının pley-off mərhələsində çıxış edib. Burada Praqa “Sparta”sına uduzan (3:1, 1:4) "Dinamo" Konfrans Liqasının qrup mərhələsinə vəsiqə əldə edib.

Bu qrupun digər matçında isə "Viktoriya" (Çexiya) "Balkani" (Kosovo) ilə üz-üzə gələcək.

C qrupu

23:00. "Dinamo" (Zaqreb, Xorvatiya) - "Astana" (Qazaxıstan)

23:00. "Viktoriya" (Çexiya) - "Balkani" (Kosovo)

Oxşar xəbərlər

Mahir ehtiyatda qaldı - Konfrans Liqası

“Dinamo” Çexiya klubuna uduzdu - Konfrans Liqası

Mahir Konfrans Liqası üçün sifariş edildi

Mahir qol vurdu, komandası qələbə qazandı - Çempionlar Liqası

"Dinamo" mübarizəyə başlayır - Mahir ehtiyatda