Polo üzrə Azərbaycan milli yığması son qitə çempionu ilə bir qrupda yer alıb.

Sportfm.az xəbər verir ki, sentyabr ayının 3-də Almaniyanın Düsseldorf şəhərində polo üzrə 14-cü Avropa Çempionatı iki qrupda start götürəcək.
Hər iki qrupun tərkibi və qrup daxilində ilk oyunlar artıq məlumdur. Çempionatın ilk gününün 2-ci oyununda çıxış edəcək milli komandamız son Avropa Çempionu İtaliya, İspaniya və İsveçrə ilə bir qrupda (zona A qrupu) mübarizə aparacaq.

Digər qrupda isə (zona B qrupu) İngiltərə, Avstriya, Hollandiya və Almaniya milli komandaları güclərini sınayacaqlar.

3 sentyabr 2023-cü il tarixində yerli vaxtla saat 14:15-də keçiriləcək Azərbaycan-İspaniya oyunu ilə milli komandamız çempionata start verəcək.

Qrup daxilində bütün komandalara qarşı keçiriləcək ümumilikdə üç oyundan sonra ilk iki yerə yüksələn komandalar 9 sentyabr tarixində keçiriləcək yarımfinal oyunlarına vəsiqə əldə edəcəklər.

Çempionatın final oyunu isə 10 sentyabr tarixində Düsseldorf Polo Klubunun əsas yarış meydançasında təşkil olunacaq.

Oxşar xəbərlər

AÇ-2024 təqvimi

"Qalatasaray" "Kopenhagen"ə qarşı - Çempionlar Liqası

Azərbaycan millisi İtaliyada Avropa çempionatında iştirak edəcək

Millimiz dünya çempionatının finalında

Gənc cüdoçularımız Avropa çempionatına doğru