Türkiyənin Super Liqa təmsilçisi "Antalyaspor”un hücumçusu Samuel Eto klubun tarixinə düşüb.

Sportfm.az xəbər verir ki, Super Liqanın 29-cu turunda, "Adanaspor”la səfər matçında komandasının qələbəsinə (5:2) 3 qolla töhfə verən kamerunlu forvard, Antalya təmsilçisinin heyətində het-trikə imza atan ilk əcnəbi futbolçu olub.

Eto sonuncu dəfə 2013/14 mövsümündə het-trik etmişdi. 36 yaşlı hücumçu İngiltərə Premyer Liqasında "Çelsi”nin heyətində "Mançester Yunayted”i 3 dəfə meydanın mərkəzinə dəvət etmişdi - 3:1.

Kamerunlu hücumçu cari mövsümdə şans qazandığı 25 oyunda 14 qol və 5 məhsuldar ötürməyə imza atmaqla, yaşına rəğmən, hələ formada olduğunu göstərir.