Azərbaycan milli komandasının hücumçusu Musa Qurbanlı “Qarabağ”la vidalaşıb.
Sportfm.az xəbər verir ki, forvard bununla bağlı instaqram hesabında paylaşım edib:
“Əziz və dəyərli, “Qarabağ” ailəsi! Mənə ilk gündən doğma olan, həyatımın ayrılmaz parçası halına gəlmiş klubumdan karyeramda yeni səhifə açmaq üçün ayrılıram. Lap uşaqlıqdan bu gözəl ailənin içində oyunları böyük heyranlıqla izləyərək, bir gün meydanda olmaq xəyalı ilə böyümüşəm. Çox şükür, bu arzumu həyata keçirmək mənə nəsib oldu! Karyeramın ilklərini, ən gözəl anlarını burada yaşadım, unudulmaz və dəyərli dostlar, xatirələr, təcrübə qazandım. Amma yeni çağırışların arxasınca getmək və ölkəmizi xaricdə layiqincə təmsil etmək vaxtıdır.
İlk növbədə, daim mənə dayaq olan atama və ailəmə, futbolçu və insan kimi yetişməyimdə əməyi olan hər kəsə, rəhbərliyimizə, məşqçilərimizə, tibbi heyətimizə, keçmiş və indiki komanda yoldaşlarıma, bazamızda bizim üçün zəhmət çəkən bütün işçilərə və məni ilk gündən dəstəkləyən bütun azarkeşlərimizə sonsuz minnətdaram. Həmçinin üzərimdə böyük əziyyəti olan “Neftçiyə”, akademiyadaki məşqçilərimə, karyeramda çox önəmli yeri olmuş ”Zirə” və həmişə mənə hədsiz dəstəyini əsirgəməyən məşqçim Rəşad Sadıqova dərin təşəkkürlərimi bildirirəm.
Əziz və dəyərli, “Qarabağ” ailəsi! “Qarabağ” bir futbol klubundan çox daha artıqdır. “Qarabağ” bir ailə, məktəbdir. Haqqınızı halal edin, hamınız üçün darıxacağam, görüşənədək".
Qeyd edək ki, Qurbanlı karyerasını İsveçin “Yurqorden” klubunda davam etdirəcək.

Oxşar xəbərlər

Musa Qurbanlı “Qarabağ”da - RƏSMİ

"Hamı mənə dəstəkdir” - Musa Qurbanlı

Azərbaycanlı futbolçu karyerasını bitirdi - 30 yaşında

Musa Qurbanlı burada qollar vurmağa hazırdır" - Maqnus Eriksson

"Qarabağ"ın yeni transferi - “Lokomotiv”lə vidalaşdı