Bu gün keçirilən final matçı ilə Yüksək Liqada cari mövsümə yekun vurulub.

Sportfm.az xəbər verir ki, cari mövsümdə “Araz Naxçıvan”a yeganə xal itkisi yaşadan “Neftçi” İK son dueldə də sürprizə imza atmağı düşünürdü.

Pley-off mərhələsində ilk oyunda yenilsə də, sonrakı 2 dueldə qələbə qazanaraq qızıl medal uğrunda oynamaq hüququ qazanan “Neftçi” İK Yüksək Liqanın cari mövsümünün son görüşünə itkilərlə çıxmışdı. Nurlan Mehdizadə və Rüfət Balakişiyev sarı vərəqə cəzalısı olduğuna görə komandasına kömək edə bilmirdi. Əvəzində pley-off-da meydana çıxmayan İlkin Hacıyev və Məhəmməd Abbasov bu dəfə forma geyinmək imkanı qazanmışdı. “Araz Naxçıvan”da isə uzun müddətdir zədəli olan Ponsedən başqa kənarda qalan yox idi.

Beş qolun qeydə alındığı bu oyunda gözlənildiyi kimi, Naxçıvan təmsilçisi qələbə qazanıb. Beləliklə “Araz Naxçıvan” 29-cu Azərbaycan çempionatının qalibi olub.

Yüksək Liqa
Final
15 may

Araz Naxçıvan – Neftçi İK 4:1
Qol: Xətai Bağırov, 1:37. Amadeu, 14:47. Felipinyo, 20:40. Nata Felipe, 38:16 – Namiq Məmmədkərimov, 13:41.
Hakimlər: Hikmət Qafarlı, Knyaz Əmiraslanov, Əli Cəbrayılov
Hakim-inspektor: Murad Məmmədov
Bakı İdman Sarayı. Saat 18:30.

Oxşar xəbərlər

“Araz Naxçıvan” darmadağına sevindi - Yüksək Liqa

Lider “Baku Fire”ə qalib gəldi - Yüksək Liqa

“Neftçi” “Baku Fire” ilə bacarmadı - Yüksək Liqa

EKOL və “Araz” seriyada önə keçdi - Yüksək Liqa

EKOL və “Araz”dan ardıcıl 3-cü qələbə - Yüksək Liqa