“Qarabağ” Misli Premyer Liqasının 2022/23 mövsümündə 26-cı qələbəsini qazanıb. 

Sportfm.az xəbər verir ki, Qurban Qurbanovun komandası buna 33-cüturda nail olub.

Ağdamlılar “Qəbələ” ilə ev oyununda 3:0 hesabı ilə qalib gəlib. Bununla da “Qarabağ” klub tarixinin rekordunu təkrarlayıb.

Bölgə təmsilçisi ölkə çempionatında bir mövsüm ərzində qazanılan qələbə sayında ən yüksək göstəriciyə 2015/16 mövsümündə imza atıb. Həmin vaxt 36 matçdan 26-da  rəqiblərini məğlub edən “Qarabağ” 7 ildən sonra həmin nəticəni təkrarlayıb. Mövsümün sonuna üç tur qaldığı üçün Qurbanovun komandası bu rekordu yeniləmək imkanına da malikdir.

Qeyd edək ki, bir mövsümdəki qələbə sayında Azərbaycan çempionatlarının rekordu 1992-ci ildə qeydə alınıb. “Neftçi” həmin vaxt 36 oyunda 30 dəfə qalib gəlib.

Oxşar xəbərlər

"Qarabağ" "Neftçi"nin rekordunu təkrarladı - Misli Premyer Liqası

Tarixdə 8-ci, “Qarabağ”dan 2-ci

Derbidə rekord

"Neftçi"dən son 10 ilin rekordu - Premyer Liqa

“Qarabağ”dan mövsümün rekordu