İki qrup arasında davaya müdaxilə etdi, dünyasını dəyişdi. 

Sportfm.az xəbər verir ki, hadisə Türkiyənin Konya şəhərində yaşanıb. Şəhər parklarından birində toplaşan gənclər arasında çıxan davaya yaxınlıqdan keçən qol güləşi üzrə Türkiyə çempionu olan Mustafa Umut müdaxilə etmək istəyib. 19 yaşlı idmançı dalaşanları ayırmaq istəyərkən, gənclərdən biri onu bıçaqla vurub. 6 ildir peşəkar idmanla məşğul olan gənc hadisə yerindəcə dünyasını dəyişib. Mustafa Umutu bıçaqlayan yeniyetmə vətəndaşlar tərəfindən yaxalanaraq polisə təslim edilib.