"Bu, mənim son şansımdır. Olimpiya qızılını qazanmalı və karyeramı başa vurmalıyam".

Sportfm.az xəbər verir ki, bunu Xorvatiyanın paytaxtı Zaqrebdə keçirilən Avropa çempionatında qızıl medal qazanan Azərbaycanın sərbəst güləşçisi Hacı Əliyev Dünya Güləş Birliyinin rəsmi saytına açıqlamasında deyib.

70 kq çəki dərəcəsində titula sahib çıxan 32 yaşlı idmançı çox vacib qələbə qazandığını bildirib: "Ölkə tarixində dördqat Avropa çempionu olan ilk kişi güləşçisiyəm. Bu, mənim üçün əla nəticədir. Yarışa da çox yaxşı hazırlaşmışdıq. Çoxlu təlim-məşq toplanışı keçirdik. Biz doğru yoldayıq. Ona görə də qalib gəlirik”.

65 kq-da ikiqat olimpiya çempionu olan təcrübəli pəhləvan bu çəkinin ən çətin olduğunu söyləyib: "Burada yaxşı rəqiblər çoxdur, adətən 4-5 dünya çempionu olur. Onların güləş tərzlərini də bilirəm”.

Dördqat Avropa və üçqat dünya çempionu olimpiadalarda bürünc və gümüş medal əldə etdiyini xatırladıb: "Çox çalışacağam. Qızıl medal üçün əlimdən gələni edəcəyəm. Düşünürəm ki, 32 və ya 34 yaşda olmağın fərqi yoxdur. Yalnız çox çalışmaq və çempion olmaq vacibdir".

Oxşar xəbərlər

“Avropa çempionu olmağa hazır deyildim” - Hacı Əliyev

"Hədəfim olimpiya çempionluğudur" - Boyanka Kostova

Hacı karyerasını bitirir - "Qızıl medal qazansam, bəlkə idmanı ataram"

"Bütün güləşçilərimiz yarışa çempion olmaq üçün gedirlər" - Eldəniz Əzizli

Hacı Əliyev: Olimpiya çempionu olmaq istəyirəm