"Nəticəmdən razıyam, bu mənim ilk yarışım idi" -

Yazar Muxbir 05 aprel 2023 15:13 358 nəfər baxıb

"Nəticəmdən razıyam, bu mənim ilk yarışım idi" -Balaca gimnast

Çalışacağam ki, növbəti yarışlarda qızıl medal qazanım.

Bu barədə “Ocaq Sport” klubunun bədii gimnastika üzrə 2-ci açıq birinciliyinin "bürünc" mükafatçısı Safura Məmmədova deyib.

Gənc gimnast balacalar (2013-2015-ci il) yaş kateqoriyasındakı gimnastlar arasında üçüncü yer tutub.

"Nəticəmdən razıyam, bu mənim ilk yarışım idi. Bədii gimnastika ilə hələ dörd aydır ki, məşğul oluram və artıq mükafat qazandım. Turnirdə alətsiz hərəkətlər proqramı ilə çıxış etdim, bəzi elementlərdə kiçik səhvlərə yol verdim, məşqlərdə bunların üzərində çalışacağam. Bir də gimnastların gürzlərlə hərəkətləri necə yerinə yetirməsi xoşuma gəlir, mən hələ bu alətlə məşq etmirəm, ümid edirəm zamanı gələndə məndə hər şey alınacaq", - Respublika kompleks idman məktəbinin yetirməsi deyib.

Qeyd edək ki, 4-5 aprel tarixlərində Bakı Olimpiya İdman Kompleksində “Ocaq Sport” klubunun bədii gimnastika üzrə 2-ci açıq birinciliyi keçirilir.

Yarışda “Ocaq Sport” klubu, “Abşeron OİK”, “Ağdaş” OİK, “İOEUG” Gimnastika Məktəbi, “Gəncə” OİK, “Ocaq Sport” klubunun Hövsan bölməsi, “Şağan” OİK, “Grasiya” İK və “Sumqayıt” OİK “Qusar” OİK, “Kür” Olimpiya Tədris İdman Mərkəzi, “Qax” OİK, “RKİM”, “Şəmkir” Gənclər Evi, “Su İdman Sarayı” və “Zirə” Mədəniyyət Mərkəzi Eko-Park-dan 340 gənc gimnast iştirak edir.

Birincilikdə gimnastlar fərdi proqramla yanaşı, qrup hərəkətləri proqramı ilə çıxış edirlər.
Yarışlar balacalar (2016-2017-ci il), uşaqlar (2013-2015-ci il), yeniyetmələr (2011-2012-ci il), gənclər (2008-2010-ci il) yaş kateqoriyaları üzrə keçirilir. (Trend.az)