ABŞ Boks Federasiyası 2023-cü ildə keçiriləcək həvəskarlar arasında dünya çempionatında kişi və qadın komandalarının iştirak etməyəcəyini açıqlayıb.

Sportfm.az xəbər verir ki, bu qərar Beynəlxalq Boks Assosiasiyasının (IBA) hazırkı siyasəti ilə əlaqədar verilib. Qurumun əsas narazılığı IBA-nın rəhbəri rusiyalı Umar Kremlevin işi, IBA prezidentinə ədalətli seçkilər keçirə bilməmək, sanksiyalara əməl etməmək, boksçulara qarşı neytrallıq siyasətinə əməl etməməkdir. IBA Rusiya boksçularına Mərakeşdə keçirilən turnirdə Rusiya Federasiyasının bayrağı altında çıxış etməyə icazə verib.

ABŞ müharibə səbəbindən cəbhədə və dinc infrastruktura hücumlar nəticəsində həlak olan, həmçinin tam məşq edə bilməyən Ukrayna boksçuları ilə həmrəy olduğunu bildirib.

Qeyd edək ki, bu il qadınlar arasında boks üzrə dünya çempionatı martın 15-dən 31-dək Dehlidə (Hindistan), kişilər arasında isə mundial mayın 1-dən 14-dək Daşkənddə (Özbəkistan) keçiriləcək

Oxşar xəbərlər

Daha bir ölkə dünya çempionatından imtina etdi - Səbəb Rusiya deyil

Ukrayna dünya çempionatını boykot etdi

Ukrayna yığmasına qarşı iyrənc addım - Yarışda iştirakdan imtina etdilər

Dünya çempionatında bir ilk - Boksçulara kəmər veriləcək

Dünya çempionatının yeri açıqlandı - Boks üzrə