Beynəlxalq Boks Federasiyası (AIBA) qarşıdakı dünya çempionatının qaliblərini gözəl görünüşlü medallarla yanaşı, kəmərlərlə də mükafatlandıracaq.

Sportfm.az xəbər verir ki, medallar müvafiq olaraq saf qızıl və gümüşdən hazırlanacaq.

Qurumun prezidenti Umar Kremlyov bildirib ki, bu addım idmançıların motivasiyasını artırmağa xidmət edir: "Belə bir nüfuzlu titul sayəsində çempionlar nəinki qürurla daşıyacaqları medal və kəmər, həm də yaxşı pul mükafatı alacaqlar".

Bundan başqa, AIBA gender bərabərliyi prinsiplərinə tam sadiq olduğunu və bütün boksçularla ədalətli davrandığını açıqlayıb. Qeyd olunub ki, Türkiyənin İstanbul şəhərində qadınlar arasında keçiriləcək dünya çempionatında boksçulara hər çəki dərəcəsində eyni məbləğdə pul mükafatları veriləcək.

Qeyd edək ki, dünya çempionatı bu il 24 oktyabr - 6 noyabrda Serbiyanın paytaxtı Belqradda təşkil olunacaq. 

Oxşar xəbərlər

Dünya çempionatının yeri və vaxtı açıqlandı - Boks üzrə

Dünya çempionatında bir ilk - Pul mükafatı veriləcək

Dünya çempionatının yeri açıqlandı - Boks üzrə

BBA boksda medal sayının artırılmasını istədi - Paris 2024

Dünya çempionatının keçiriləcəyi şəhər müəyyənləşdi