Belçika Futbol Assosiasiyası "Qarabağ"ın UEFA Konfrans Liqasının pley-off mərhələsindəki rəqibi olan "Gent"i cərimələyib.

Sportfm.az xəbər verir ki, buna komandanın azarkeşlərinin evdə "Brügge"yə qarşı çempionat oyunundakı (2:0) davranışları səbəb olub.

Klub fanatların sözügedən qarşılaşmada priotexniki vasitələrdən istifadə etməsi və təhqiredici şüarlar səsləndirməsi üzündən 1 500 avro ziyana düşüb.

Bundan başqa, "Gent"ə şərti cəza da verilib. İnsident 1 il ərzində təkrar olunarsa, komandanın ev oyunlarını keçirdiyi "Gelamko Arena"nın 225-ci sektoru 1 oyunluq azarkeşlərin üzünə bağlanacaq.

Qeyd edək ki, “Qarabağ” “Gent”lə ilk oyununu fevralın 16-da Bakıda, cavab görüşünü isə 23-də Gentdə keçirəcək.

Oxşar xəbərlər

"Qarabağ"ın rəqibi Türkiyəyə belə dəstək oldu - FOTO

"Gent"i cərimələdilər

“Qarabağ”ın rəqibi səfərdən xalsız döndü - Belçika çempionatı

“Gent”i Kornelis kubokunda

"Marsel" cərimələndi - Azarkeşlərə görə