Azərbaycanda uşaq futbolunun bayraqdarlarından biri olan “Leon” futbol kubu 2015-ci qurulub. Həmin ildən başlayaraq, AFFA-nın himayəsi altında keçirilən Azərbaycan çempionatlarında sözü gedən klubun müxtəlif yaş kateqoriyalarında iştirakı barədə qərar qəbul edilib.

Təəssüflər olsun ki, 2021-ci ilin yanvar ayında klub fəaliyyətini dayandırdı. Futbol klubunun dağılmasından sonra U-12 komandasında çıxış edən oyunçuların valideynləri bu yaş qrupunun müstəqil saxlanması barədə qərar qəbul etdilər. Və bu günə qədər U-13 komandasının tam maliyyələşdirilməsi oyunçuların valideynləri tərəfindən təmin edilir. Həmin il klubun dağılmasından sonra ilk dəfə olaraq, “Leon” FK Azərbaycan çempionatında iştirak edib. Komandanın sıfırdan yığıldığını nəzərə alsaq, komandanın çıxışı kifayət qədər uğurlu sayıla bilər. Belə ki, həmin mövsüm birinci mərhələnin sonunda komanda paytaxt qrupunda “Zirə” FK-nı qabaqlayaraq 8-ci yeri tutub.

 Azərbaycan çempionatı başa çatdıqdan sonra valideynlər klubun adının “LEON BAKU” FC olaraq dəyişdirilməsi barədə qərar qəbul ediblər. Və artıq bu ad altında 2022-ci ilin avqust ayının sonunda komanda Türkiyədəki beynəlxalq turnirdə iştirak edib. Turnirdə Türkiyə, Azərbaycan, Rumıniya, Tunis, İran və s. daxil olmaqla 14 komanda mübarizə aparıb. Özünü yaxşı tərəfdən göstərən komandamız Türkiyədə fəxri 5-ci yeri tutub. Təmsilçimiz turnirdə cəmi bir dəfə “Fənərbaxça”ya 2:5 hesabı ilə uduzub. Üstəlik, türk klubu bütün digər rəqiblərini iki rəqəmli hesabla məğlub edib və qapısında qol görməyib.

2022-ci ilin sentyabr ayında futbol üzrə növbəti Azərbaycan Çempionatı (U-14) start götürüb. Hazırda komanda 20 xalla 6-cı yerdə qərarlaşıb.

Qeyd etmək lazımdır ki, qazanılan 20 xaldan Premyer Liqa klublarının müvafiq yaş qrupu üzrə komandalarına qarşı matçlarda əldə edilib. Hazırda çempionat davam edir və “LEON BAKU”nın pley-offa çıxmaq üçün real şansları var.

Komandanın 6 oyunçusu yığma komandanın məşqinə çağırılır. Hətta hazırda peşəkar klublar belə nəticələrlə öyünə bilməz. Komandanın əsas hədəfləri ölkə futboluna istedadlı gəncləri bəxş etməkdir. Klubda təhsil prosesinə də böyük diqqət yetirilir. Buna səbəb gələcəkdə futbolçuların Azərbaycandan kənarda təhsillərinə və futbol məşqlərinə davam etməsi variantları nəzərdən keçirilir. “LEON BAKU” Avropanın aparıcı komandalarında çıxış edə biləcək oyunçuları hazırlamaq istəyir.