“Əl Nəsr”ın hücumçusu Kriştiano Ronaldo Səudiyyə Ərəbistanının 2030-cu il dünya çempionatına namizədliyinin səfiri olmayacaq.

Sportfm.az xəbər verir ki, öncədən portuqaliyalı hücumçunun 2030-cu il dünya çempionatına Qərbi Asiya təmsilçisinin namizədliyinin səfiri olacağı təqdirdə 200 milyon avro alacağı deyilmişdi.

Bu barədə “Əl Nəsr” rəsmisinin açıqlamasında aşağıdakı sözlər yazılıb:

“Kriştiano Ronaldonun “Əl Nəsr”lə müqaviləsi dünya çempionatı ilə bağlı hansısa öhdəliyi nəzərdə tutmur. Onun əsas diqqəti hazırda kluba yönəlib. Portuqaliyalı komanda yoldaşları ilə birlikdə uğur qazanmaq niyyətindədir”.

Ronaldo 2022-ci ilin dekabr ayının sonunda “Əl Nəsr”ə azad agent kimi qoşulub. O, yeni klubu ilə illik 200 milyon avro maaşla, 2025-ci ilin yayına qədər müqavilə imzalayıb./komanda.az/

Oxşar xəbərlər

Ronaldo və Messi üz-üzə - Matç baş tutacaqmı?

Ronaldo 200 milyon avro qazanacaq - Fantastika

Ronaldonun Yeni il hədiyyəsi – FOTO

Ronaldo Səudiyyə Ərəbistan klubuna keçir - 2,5 illik müqavilə imzalanacaq

Ronaldo üçün 75 milyon avro