- Bəli, bu mənim uşaqlıq arzum idi. Atam sərbəst güləş üzrə məşqçi olduğu üçün, kiçik yaşlarından idmana böyük marağım olub. Həmişə atamın yolunu davam etdirib, layiqli bir idmançı olmaq istəmişəm. Buna görə də sevinirəm ki, həyatımı idmana bağladım! Güləşi seçmədim, düşünürəm ki, voleybolda əladır(gülür). 

- Çox güman ki, bu fikir bizim insanlarda sırf geyimlə əlaqələndirilir. Bildiyiniz kimi, voleybolçuların geyim forması əsasən şort və futbolkadan ibarət olur. Düşünürəm ki, mentalitetlə bağlı olan bu kimi səbəblərdən bir çox valideynlər qızlarını voleyboldan uzaq tutur. 

- Hal- hazırda Dərnəgüldə yerləşən məşq zalımızda yetərincə yer olmadığı üçün, gündə yalnız bir məşq keçə bilirik. Lakin, gələn mövsümdən etibarən daha çox məşq edəcəyik. Odur ki, hələ boş vaxtım var. Bir azdan vaxtımın olmayacağını bildiyim üçün, yetərincə əylənməyə, istirahət etməyə çalışıram.

- Voleybolda tək idealım Valeriya Məmmədovadır! O, güclü oyunçu olmaqla yanaşı, həm də çox mehriban insan və gözəl qadındır! 

- Qətiyyən! Məni voleyboldan heç bir qüvvə ayıra bilməz! İdman artıq mənim həyatımın ayrılmaz hissəsinə çevrilib. Mən özümü voleybolsuz təsəvvür edə bilmərəm. Səhər voleybol, axşam voleybol – budur mənim həyat tərzim. Uzun illər voleybol oynamaq istəyirəm. Sonrasına baxarıq...

- Bu idman növünə yeni başlayan və ya artıq məşğul olanlara məsləhətim o olardı ki, əsla öz məqsədinizdən geri dönməyin! Öz üzərinizdə işləyin, çalışın, əziyyət çəkin və uğur qazanın! Əziz valideynlərə isə demək istəyirəm ki, bu idmana həvəs göstərən qız övladlarına daima dəstək və dayaq olsunlar. Son illərdə ölkəmizdə voleybol yüksək templərlə inkişaf edir. Buna görə də, tərəddüd etmədən qız övladlarınızı voleybola yazdırın.