"Bursaspor"un prezidenti Ali Ademoğlu yeni transfer etdikləri, U-21 yığmamızın şərəfini qoruyan Ozan Canla bağlı açıqlama verib.

Sportfm.az saytı xəbər verir ki, gənc futbolçu ilə müqavilə imzalandıqdan sonra klub prezidenti bunları deyib:

"Ozan Can Hollandiyada yetişən gənc bir istedaddır. Azərbaycan U-21 yığmasının heyətində türkiyəli həmyaşıdlarına qarşı oyunda iştirak etdi. Gələcəkdə Türkiyə yığmasının formasını geyəcək potensiala sahibdir. Seleksionerlərimizin sayəsində gənc və çox yetənəkli bir futbolçu ilə 4 illik müqavilə imzaladıq. Hazırda bir çox komanda bu futbolçunu əlindən qaçırdığı üçün bizi qınayır".

Qeyd edək ki, bir müddət əvvəl Ozan Can AFFA-nın təklifini qəbul edərək 21 yaşlılarımızdan ibarət yığmanın heyətində çıxış etməyə başlayıb.