"Trabzonspor” azərbaycanlı futblolçu Ramil Şeydayevlə müqavilə imzalayıb. Qol.az-ın xəbərinə görə, bu haqda "NTV Spor" məlumat yayıb. Onunla 4 illik müqavilə imzalandığı bildirilib. Klubun rəsmi saytında verilən xəbərdə isə bildirilir ki, gənc hücumçu razılığıa gəlinib. O, tibbi müayinədən uğurla keçib. Bundan sonra Şeydayev komandanın Slovakiyadakı təlim-məşq toplanışına qatılacaq.

"NTV Spor”un xəbərinə görə, azad agent kimi "Trabzonspor”a keçən 20 yaşlı gənc hücumçu 2016/17 mövsümündə 430 min, 2017/18 mövsümündə 350 min, 2018/19 mövsümündə 400 min, 2019/20 mövsümündə 450 min avro maaş alacaq.

Əlavə edək ki, Rusiyanın "Zenit” klubu ilə müqavilə bitən Şeydayev bir müddət əvvəl Azərbaycan millisində oynamaqdan imtina etmişdi. Bugünlərdə isə o, milli komandamızda çıxış etmək istədiyini açıqlayıb. Rusiya mətbuatının yazdığına görə, Şeydayev Azərbaycan vətəndaşlığı alıb millimizdə oynamaq üçün  AFFA ilə danışıqlara başlayıb.