Moldova yığması ilə səfər oyunu futbol üzrə Azərbaycan milli komandası üçün əlamətdar olub.

Sportfm.az xəbər verir ki, yığmamız tarixində ilk dəfə ardıcıl 4-cü matçından qalib ayrılıb.

Canni De Byazinin baş məşqçi olduğu kollektiv bundan əvvəl UEFA Millətlər Liqasında Belarus (2:0), Slovakiya (2:1) və Qazaxıstan (3:0) yığmalarını məğlub etmişdi.

Bu oyun “Sabah”ın futbolçusu Aleksey İsayev üçün də əlamətdar olub. 27 yaşlı yarımmüdafiəçi Azərbaycan millisində qol hesabını açıb. 42-ci dəqiqədə rəqib qapısına yol tapan təcrübəli oyunçu bunu yubiley – 10-cu görüşündə bacarıb.

Emin Mahmudov isə Azərbaycan milli komandasının heyətində ən çox qol vuran futbolçuların sıralamasında ikinci pilləyə şərik olub. Moldova ilə oyunun 28-ci dəqiqəsində fərqlənən “Neftçi”nin yarımmüdafiəçisi yığmada ümumilikdə 9-cu qoluna sevinib. Milli forma ilə 35-ci matçında bunu bacaran Mahmudov komandanın keçmiş hücumçusu Vaqif Cavadova çatıb.

Oxşar xəbərlər

Emin Mahmudovdan 50-ci qol

Kapitan üçün uğursuz yubiley oyunu

Mahmudov rekorda gedir

Kapitandan yubiley qolu

"Zirə"li Soni üçün əlamətdar oyun