Avstriyanın Qrats şəhərində keçirilən Xüsusi Qış Olimpiadasında Azərbaycanı təmsil edən florbol yığmamız finala çıxıb.

Prosport.Az xəbər verir ki, Avstriyanın 1-ci komandası ilə qarşılaşan yığmamız rəqibinə 7:2 hesabı ilə qalib gəlib.

Komandamızın finaldakı rəqibinin adına bu gün aydınlıq gələcək. Bu ya Venesuela, ya da əvvəl qarşılaşdığımız Men adasının yığması olacaq.

Qeyd edək ki, florbol millimiz Avstriyanın 2-ci komandası ilə oyunlarda da yaxşı nəticə göstərib. Martın 17-də 1:1 oynayan yığmamız 2 gün sonra bu komandanı 4:3 məğlub etmişdi.