FIFA prezidenti Canni İnfantino transfer bazarındakı dəyişikliklərdən danışıb.

Sportfm.az xəbər verir ki, 52 yaşlı funksioner yeni müddəaların noyabrın 16-da qüvvəyə minəcəyini xatırladıb.

İnfantino ali futbol qurumunun informasiya mərkəzinin qaydaları təsdiqlədiyini bildirib: "Köçürmələrlə bağlı bütün ödənişlər mərkəzdən keçəcək. İlk olaraq futbolçuları yetişdirən klublara təzminatın ödənilməsindən başlayacağıq. Bəzi kiçik klublar həvəskardır və pul istəməyə imkanlara yoxdur. Sistemi avtomatlaşdırmaq qərarına gəldik. Bu, kiçik klubların həyatını dəyişəcək. Gəlirin ədalətli bölüşdürülməsini dəstəkləyən sistemə ehtiyac var idi".

FIFA prezidenti bəzi şəxslərin oyunçuların keçidindən sui-istifadə etdiyini söyləyib: "Hüquq-mühafizə orqanları köçürməni araşdırmağa başlayanda qəribə ödənişlər tapırlar. Bu, artıq olmayacaq, transfer bazarına şəffaflıq gətirəcəyik. Buna nəzarət etmək və pulun lazım olan yerə getməsinə əmin olmaq istəyirik".

Oxşar xəbərlər

İnfantino yeni təklif irəli sürdü

FİFA prezidenti istintaq müddətində vəzifəsini icra edəcək

İnfantinoya qarşı cinayət işi açıldı - Rüşvət ittihamı ilə

İnfantino yenidən FIFA prezidenti seçildi

FİFA və Peşəkar Futbolçular Birliyi anlaşma imzaladı