Bu gün UEFA Çempionlar Liqasının qrup mərhələsində IV tura yekun vurulacaq.

Sportfm.az xəbər verir ki, A,B,C və D qruplarında ümumilikdə 8 qarşılaşma oynanılacaq.

A qrupunda "Napoli" İtaliyada Niderland "Ayaks"ını qəbul edəcək. İngiltərə "Liverpul"u Şotlandiyada "Reyncers"in qonağı olacaq. Neapol təmsilçisinə pley-offa vəsiqəni rəsmiləşdirmək üçün heç-heçə də kifayət edəcək.

B qrupunda İspaniyanın "Atletiko" (Madrid) komandası Belçika "Brügge"si ilə üz-üzə gələcək. Qonaqlar Madrid qələbə qazanacağı təqdirdə digər qarşılaşmanın nəticəsindən asılı olmayaraq 1/8 finala yüksələcək. Digər görüşdə "Bayer" Almaniyada Portuqaliya "Portu"sunu sınağa çəkəcək.

Günün maraqla gözlənilən matçı C qrupunda gerçəkləşəcək. İtaliya "İnter"i İspaniyada "Barselona"nın qonağı olacaq. Qrupun autsayderi "Viktoriya" (Plzen) Çexiyada Almaniya "Bavariya"sı ilə görüşəcək. Münhenlilər qələbə sayəsində növbəti mərhələyə vəsiqəni təmin edə bilər. Bunun üçün Kataloniya təmsilçisi bu tur xal itirməlidir.

Nəhayət, D qrupunda "Tottenhem" İngiltərədə Almaniyanın "Ayntraxt" (Frankurt) kollektivini, "Sportinq" isə Portuqaliyada Fransa "Marsel"ini qəbul edəcək. Bu qrupda hər komandanın pley-off şansı davam edir.

12 oktyabr

A qrupu

20:45. "Napoli" (İtaliya) - "Ayaks" (Niderland)

23:00. "Reyncers" (Şotlandiya) - "Liverpul" (İngiltərə)

Xal durumu: "Napoli" - 9. "Liverpul" - 6. "Ayaks" - 3. "Reyncers" - 0.

B qrupu

20:45. "Atletiko" (Madrid, İspaniya) - "Brügge" (Belçika)

23:00. "Bayer" (Almaniya) - "Portu" (Portuqaliya)

Xal durumu: "Brügge" - 9. "Bayer" - 3. "Portu" - 3. "Atletiko" - 3

C qrupu

23:00. "Viktoriya" (Plzen, Çexiya) - "Bavariya" (Almaniya)

23:00. "Barselona" (İspaniya) - "İnter" (İtaliya)

Xal durumu: "Bavariya" - 9. "İnter" - 6. "Barselona" - 3. "Viktoriya" - 0

D qrupu

23:00. "Tottenhem" (İngiltərə) - "Ayntraxt" (Frankurt, Almaniya)

23:00. "Sportinq" (Portuqaliya) - "Marsel" (Fransa)

Xal durumu: "Sportinq" - 6. "Tottenhem" - 4. "Ayntraxt" - 4. "Marsel" - 3.

Oxşar xəbərlər

Qrup liderliyi üçün mübarizə - Çempionlar Liqası

"Tottenhem" üçün önəmli matç - Çempionlar Liqası

4 komanda 1/8 finala yüksələcək - Çempionlar Liqası

"İnter" "Bavariya"ya, "Barselona" "Viktoriya"ya qarşı - Çempionlar Liqası

Qrup mərhələsinin təqvimi bilindi - Çempionlar Liqası