Şağan Olimpiya İdman Kompleksində Alpaqut üzrə 3-cü Azərbaycan çempionatı keçirilib. 

Sportfm.az xəbər verir ki, turnirdə respublikamızın müxtəlif bölgələrindən xeyli sayda idmançı qüvvəsini sınayıb. Açılış mərasimində millət vəkilləri Qənirə Paşayeva və Adil Əliyev çıxış edərək ölkəmizdə idmana olan diqqət və qayğıdan danışıblar. Yarış zamanı Azərbaycan Alpaqut Federasiyası bu idman növünün inkişafında və təbliğində əməyi olanları xüsusi diplomlarla təltif edib. Alpaqut döyüş sənəti ilə məşğul olan gənc idmançı Nuray Hacızadə SPORTFM kanalına müsahibə verib.