AFFA İntizam Komitəsinin növbəti iclası keçirilib.

Sportfm.az xəbər verir ki, toplantıda Azərbaycan Premyer Liqasının II və III turlarında baş vermiş hüquq pozuntuları ilə əlaqədar bəzi qərarlar qəbul olunub.

II turun “Qarabağ”la ev oyununda 5 futbolçusu sarı vərəqə aldığı üçün “Sumqayıt”a 800 manat cərimə kəsilib.

Turun “Səbail” – “Turan Tovuz” matçında meydana kənar şəxslər daxil olduğu üçün ev sahibi klub 1600 manat ziyana düşüb.

III turun “Neftçi” ilə ev oyununda 4 futbolçusu sarı vərəqə ilə cəzalandırıldığı üçün "Sabah" klubu 800 manat cərimələnib. Bu klub həm də meydana kənar şəxslərin daxil olması səbəbindən 1600 manat ödəməli olacaq.

Bu cərimə “Sumqayıt”la və "Qəbələ" ilə qarşılaşmalarda eyni hal baş verdiyi üçün müvafiq olaraq, "Zirə" və “Kəpəz"ə də kəsilib.

“Zirə”nin baş məşqçisi Rəşad Sadıqova isə hakimlərin işinə nümayişkaranə müdaxilə etdiyi üçün xəbərdarlıq olunub.

Oxşar xəbərlər

"Qarabağ"dan meydançaya kənar şəxslər daxil oldu və klub cərimələndi...

AFFA klublarımızı cərimələdi

AFFA bu klublarımızı cərimələdi

Rəşad Sadıqova xəbərdarlıq edildi - İntizam Komitəsinin qərarı

İntizam Komitəsi qərarları - AFFA açıqladı