Bu gün AFFA İntizam Komitəsinin iclası keçirilib. 

Sportfm.az xəbər verir ki, icclasda Premyer Liqamızın 4-cü turundakı qayda pozuntuları ilə bağlı qərarlar qəbul edilib.

“Neftçi” – “Zirə” oyununda “Neftçi” klubunun azarkeşləri tərəfindən meydançaya kənar əşyalar atıldığı klub 1600 manat cərimə olunub. Həmçinin meydançaya kənar şəxslər daxil olduğu üçün meydan sahibi klub 1600 manat cərimələnib.

“Qarabağ” – “Şamaxı” oyununda “Qarabağ” klubunun azarkeşləri tərəfindən kütləvi şəkildə təhqiramiz ifadələr işlədildiyi üçün klub 4000 manat cərimə olunub.

“Səbail” – “Kəpəz” oyununda “Kəpəz” klubunun futbolçusu Rauf Əliyev hakimləri təhqir etdiyinə görə birbaşa qırmızı vərəqə alaraq meydançadan kənarlaşdırıldıqdan sonra yenidən meydançaya daxil olduğu üçün 5 oyun cəzalanıb. Klub isə 4000 manat cərimə olunub.

“Kəpəz” klubunun futbolçusu Tural Axundov ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimə olunub.

“Səbail” – “Kəpəz” oyununda stadionun dəhlizində “A” buraxılış vəsiqəsinə malik olmayan şəxslər aşkar olunduğu üçün meydan sahibi klub 800 manat cərimə olunub.

“Qəbələ” – “Sabah” oyununda “Qəbələ” klubunun 5 futbolçusu sarı vərəqə ilə cəzalandırıldığı üçün klub 800 manat cərimə olunub. “Qəbələ” klubunun azarkeşləri tərəfindən kütləvi şəkildə təhqiramiz ifadələr işlədildiyi üçün isə klub 4000 manat cərimələnib.

Oxşar xəbərlər

“Qarabağ”la “Neftçi” cərimə ödəyəcək - QƏRAR

AFFA klublarımızı cərimələdi

"Qarabağ", "Neftçi" və "Zirə" cərimələndi - QƏRAR

AFFA klublarımızı cərimələdi - 4000 manat

İntizam Komitəsi qərarları - AFFA açıqladı