“Yeni futbolçuların transferi ilə bağlı uzun müddətdir danışıqlar gedir”.

Sportfm.az xəbər verir ki, bunu “Neftçi”nin idman direktoru Zaur Əzizov bu gün təşkil olunan mətbuat konfransında deyib.

Klub rəsmisi, yeni baş məşqçi Laurentsiu Regekampfla transferlərlə bağlı müzakirə apardıqlarını bildirib:

“Baş məşqçi ilə bir neçə gündür transfer mövzusunda müzakirə aparırıq. Bəzi oyunçularla artıq ilkin razılaşmalar var. Yeni oyunçuların uğurlu olması üçün əlimizdən gələni edirik. İnanırıq ki, onlar komandamıza kifayət qədər kömək edəcəklər”.

“Neftçi” Regekampfla 2 illik müqavilə imzalayıb.