Bugün Qəbələdə ölkə kubokunun final matçı ilə mövsümə yekun vurulacaq.
“Qarabağ” və “Zirə” arasında baş tutacaq qarşılaşmanı müəmmalı şəkildə hazırda birinci kateqoriyada olan FİFA referisi Əliyar Ağayevə yox, Elçin Məsiyevə həvalə edən Hakim-İnspektorlar Komitəsinin sədri avtriyalı Frits Stuxlik, ölkə futbolunu və AFFA-nı heçə sayan daha bir addım atıb.
Gözünə döndüyüm alman, özünü görüşün hakim-inspektoru yazaraq, elə özünün ona-buna öyrətdiyi reqlamenti kobud şəkildə pozub. Təbii ki, AFFA-dakılar da, buna göz yumub. Məsələ necədi - Mövsümboyu hakim-inspektorlardan imtahan götürən Frits qağa, özü bir dəfə də olsun belə imtahanda iştirak etməyib. Bəli, bəli…Yerli hakim-inspektorlar oyunlara təyinat almaq üçün 6 ay ərzində iki dəfə ciddi şəkildə imtahan verdikləri zaman bu Stuxlik AFFA-nın yeməkxanasında bizim təamlardan dadaraq, ağzını marçıldadırdı. Yəni imtahanlarda iştirak etməyən komitə rəhbəri heç bir oyuna təyinat ala bilməz, necəki digər şəxslər ala bilmir, kubokun finalına isə heç yaxın buraxılmaz.
Gəldik ikinci məqama - Reqlamentə görə, mövsüm ərzində Premyer Liqa matçlarına təyinat almayan hakim-inspektor, qətiyyən və qətiyyən heç bir qarşılaşmaya təyinat ala bilməz. Yəni, ün der Frits Stuxlikin təyinatı reqlamentin kobud şəkildə pozulması ilə yanaşı, həmdə qeyri-qanunidir. “Tak şto” AFFA yönətimi, görün neynirsiz, ölkəmizi beynəlxalq qurumların gözündən salmaq üçün başqa nəyə imza atırsız!!! Davamı olacaq...
Araz Əhmədov