Azərbaycanın daha üç taekvondoçusu bu gün Böyük Britaniyanın Mançester şəhərindəki Avropa çempionatında mübarizəyə başlayacaq.

Sportfm.az xəbər verir ki, yarışın sonuncu günündə 74 kq çəki dərəcəsində çıxış edən Eltac Qafarov 1/16 final mərhələsində estoniyalı Kunter Stroom Karlla üz-üzə gələcək.

Rio-2016 Yay Olimpiya Oyunlarının qalibi olan 87 kq-dakı Radik İsayev 1/4 finalda Cem Ünlüsoy (Almaniya) - Erik Farmakas (İsveç) cütünün qalibi ilə görüşəcək.

Qadın taekvondoçulardan 57 kq-da yer alan Fatimə Məcidova 1/16 finalda italiyalı Giada Al Halvani ilə qarşılaşacaq.

Bu gün həmçinin Azərbaycanın bir parataekvondoçusu da qüvvəsini sınayacaq. 63 kq-dakı Sadiq Həmidovun ilk rəqibi özbəkistanlı Zukhriddin Tokhirov olacaq. Parataekvondo üzrə Avropa çempionatı digər qitələr üçün də açıqdır.

Qeyd edək ki, Azərbaycan yarışda 13 taekvondoçu və 5 parataekvondoçu ilə təmsil olunur. Daha əvvəl parataekvondoçulardan 70 kq-dakı İmaməddin Xəlilov gümüş, 58 kq-dakı Sabir Zeynalov bürünc medal əldə edib. Digərləri qitə çempionatını medalsız başa vurub.

Oxşar xəbərlər

Daha iki taekvondoçumuz medal qazana bilmədi - Dünya çempionatı

Daha iki taekvondoçumuz mübarizəyə başlayır - Dünya çempionatı

Taekvondoçularla görüş keçirildi - FOTO

2 idmançımız Avropa Çempionatında bürünc qazandı

Süleymanov əfqan Mansuri ilə görüşəcək Avropa çempionatı