“Qarabağ” komandası baş məşqçi Qurban Qurbanovun rəhbərliyi altında Azərbaycan Premyer Liqasında 250-ci qələbəsini qazanıb.

Sportfm.az xəbər verir ki, bu qələbə 16-cı turdan təxirə salınmış “Sumqayıt”la oyunda gerçəkləşib. 5:0 hesabı ilə qalib gələn Ağdam klubu 50 yaşlı mütəxəssislə 250-ci dəfə üç xal qazanıb.

2008-ci ilin yayından “Qarabağ”a rəhbərlik edən Qurbanov bu müddətdə komandanı 416 çempionat görüşünə çıxarıb. Bunların 250-də qələbəyə sevinən mütəxəssis 105 heç-heçə və 61 məğlubiyyət də yaşayıb.

Qurbanov həm bir komanda ilə, həm ümumi qələbə sayında baş məşqçilər arasında ölkə çempionatları tarixinin rekordçusudur.

Oxşar xəbərlər

Qurbanov üçün anlamlı qələbə

Qurban Qurbanov mütləq rekordçu oldu - Uğur

Qurban Qurbanovdan 300-cü qələbə - "Qarabağ"da

Qurban Qurbanovun 12-ci ili

Qurban Qurbanovdan yeni fəth