İngiltərənin "Çelsi" klubunun yeni sahibləri bəlli olub.

Sportfm.az xəbər verir ki, ABŞ-dan olan iş adamları Todd Boeli, Mark Uolter, isveçrəli milyarder Hansyorq Viss və "Clearlake Capital" investisiya şirkətindən ibarət qrup klubun alınması ilə bağlı şərtləri razılaşdırıb.

Yatırılan ümumi sərmayənin 2,9 milyard avrosu klubun səhmlərinin alınmasına sərf olunacaq və bu gəlir xeyriyyə işlərinə yönləndiriləcək.

Satışın mayın sonunda tam başa çatacağı gözlənilir.

Qeyd edək ki, Britaniya hakimiyyəti Rusiyanın Ukraynaya hərbi müdaxiləsindən sonra Roman Abramoviçin, o cümlədən klubunun aktivlərini bloklayıb. Bu səbəbdən funksioner fevralın 26-da klubun idarəçiliyini "Çelsi" Xeyriyyə Fondunun qəyyumlarına təhvil verib. Martın 2-də isə o, klubu satmaq niyyətində olduğunu açıqlayıb.

Oxşar xəbərlər

Abramoviç "Çelsi"ni satdı - RƏSMİ

“Çelsi”nin satışı təsdiqləndi - Rəhbərlik tərəfindən

"Çelsi"nin qiyməti artdı - 4 milyard

"Çelsi"ni isveçrəli almaq istəyir - Növbəti həftə

Abramoviç "Çelsi"dən göndərildi - Məcburiyyət