İngiltərə Premyer Liqası “Çelsi” klubunun ABŞ-dan olan iş adamları Todd Boeli, Mark Uolter, isveçrəli milyarder Hansyorq Viss və “Clearlake Capital” investisiya şirkətindən ibarət qrupa satılmasına razılıq verib.

Sportfm.az xəbər verir ki, bu barədə yarışın rəsmi saytı məlumat yayıb.

Klubu alan konsorsium qarşı tərəfə təqribən 5 milyard ABŞ dolları ödəyəcək. Ümumi sərmayənin 2,9 milyard avrosu “zadəganlar”ın səhmlərinin alınmasına sərf olunacaq və bu gəlir xeyriyyə işlərinə yönləndiriləcək.

Xatırladaq ki, Britaniya hakimiyyəti Rusiyanın Ukraynaya hərbi müdaxiləsindən sonra “Çelsi”nin əvvəlki sahibi Roman Abramoviçin, o cümlədən klubunun aktivlərini bloklayıb. Bu səbəbdən rusiyalı funksioner fevralın 26-da klubun idarəçiliyini “Çelsi” Xeyriyyə Fondunun qəyyumlarına təhvil verib. Martın 2-də isə o, klubu satmaq niyyətində olduğunu açıqlayıb.

Oxşar xəbərlər

Abramoviç "Çelsi"ni satdı - RƏSMİ

"Çelsi"nin yeni sahibləri bəlli oldu - Razılığa gəlindi

"Çelsi"nin qiyməti artdı - 4 milyard

"Çelsi"ni isveçrəli almaq istəyir - Növbəti həftə

Abramoviç "Çelsi"dən göndərildi - Məcburiyyət