Azərbaycan cüdoçusu Hidayət Heydərov Bolqarıstanın paytaxtı Sofiyada keçirilən Avropa çempionatında qızıl medal qazanıb.

Sportfm.az xəbər verir ki, 73 kq çəki dərəcəsində yer alan idmançı finalda Covanni Espozitonu (İtaliya) sınağa çəkib. Qızıl xal bölümündə qalib gələn Heydərov ikiqat Avropa çempionu olub.

Eyni çəkidə çıxış edən Rüstəm Orucov isə bürünc medal uğrunda görüşdə Adrian Sulka (Rumıniya) ilə üz-üzə gəlib. Rəqibini məğlub edən Orucov Avropa üçüncüsü olub.

Qeyd edək ki, çempionatın ilk günündə mübarizə aparan Azərbaycanın 6 təmsilçisindən heç biri medal qazana bilməyib. Millimizin daha 3 üzvü sabah - yarışın son günündə qüvvəsini sınayacaq.

Oxşar xəbərlər

Hidayət Heydərov 4-cü dəfə Avropa çempionu oldu

Hidayət Heydərov Avropa çempionu oldu - İkinci dəfə

Heydərov finalda, Orucov bürünc medal görüşünə çıxacaq - Avropa çempionatı

Rüstəm Orucov və Hidayət Heydərov mübarizəyə başlayır - Avropa çempionatı

“Masters”: Rüstəm Orucov bürünc medal qazandı