Bu gün Bolqarıstanın paytaxtı Sofiyada cüdo üzrə Avropa çempionatı start götürəcək.

Sportfm.az xəbər verir ki, ilk yarış günündə Azərbaycanın 6 cüdoçusu mübarizəyə başlayacaq.

Balabəy Ağayev (60 kq) 1/16 final mərhələsində Savva Karakizidi (Yunanıstan), Əhməd Yusifov (60 kq) Riko Bernabeu (İspaniya) ilə üz-üzə gələcək.

Yaşar Nəcəfov (66 kq) 1/16 finalda Radu İzvoryanu (Moldova), İbrahim Əliyev (66 kq) Tal Fliker (İsrail) ilə görüşəcək.

Qadınlardan Şəfəq Həmidova (48 kq) 1/8 final mərhələsində Xuliya Figeroanın (İspaniya), Ramilə Əliyeva (48 kq) Katarina Koştanın (Portuqaliya) müqavimətini qırmağa çalışacaq.

Qeyd edək ki, Azərbaycan Avropa çempionatında 11 cüdoçu ilə təmsil olunur. Mayın 1-də başa çatacaq yarışda 40 ölkədən 361 idmançı (207 kişi, 154 qadın) iştirak edir.

Oxşar xəbərlər

İki cüdoçumuz bu gün mübarizəyə başlayır - Dünya çempionatı

Cüdoçumuz yarımfinalda - Avropa çempionatı

Cüdoçularımızın ilk rəqibləri bəlli oldu - Avropa çempionatı

Azərbaycan millisinin heyəti açıqlandı - Avropa çempionatı

İdmançımız Böyük Dəbilqədə yarımfinalda - Ağayev və Hüseynov 1/4 finalda