Azərbaycan şahmatçısı Şəhriyar Məmmədyarov Almaniyanın paytaxtı Berlində təşkil olunan FİDE qran-prisinın 3-cü mərhələsində mübarizəni dayandırıb.

Sportfm.az xəbər verir ki, 37 yaşlı qrossmeyster bu mərhələdə ABŞ təmsilçisi Hikaru Nakamura ilə üz-üzə gəlib. Şahmatçılar əvvəlki iki görüşdə heç-heçəyə razılaşdığı üçün, bu gün tay-brekdə qarşılaşıblar.

İlk tay-brek görüşündə qara fiqurlarla oynayan Məmmədyarov 41-ci gedişdə məğlub olub. Azərbaycan təmsilçisi ikinci qarşılaşmada qələbə qazana bilməsə, turnirdə mübarizəni dayandıracaqdı. Şəhriyar ikinci tay-brek görüşündə ağ fiqurlarla oynayıb. 34-cü gedişdə təslim olan Məmmədyarov turnirlə vidalaşıb.

Digər tay-breyk görüşündə isə Uesli So (ABŞ) Məhəmməd Amin Tabatabaiyə (İran) qalib gəlib.

Qran-prinin 3-cü mərhələsinə aprelin 4-də yekun vurulacaq. Turnirin ümumi mükafat fondu 150 000 avrodur.

Oxşar xəbərlər

Məmmədyarov 3-ü dəfə Nakamura ilə üz-üzə - FIDE Qran-prisi

"Şah" mat edə bilmədi

Şəhriyar Məmmədyarov mübarizəyə başlayır - FIDE Qran-prisi

Şəhriyar Məmmədyarov yaxşı başlamadı

Məmmədyarov mübarizəni dayandırdı - "Airthings Masters"