İngiltərənin "Mançester Yunayted" klubunun futbolçusu Brunu Fernandeş UEFA Çempionlar Liqasında yeni rekorda imza atıb.

Sportfm.az xəbər verir ki, 28 yaşlı yarımmüdafiəçi buna İspaniyada "Atletiko" (Madrid) komandası ilə 1:1 hesablı heç-heçə etdikləri 1/8 final mərhələsinin ilk oyununda nail olub.

80-ci dəqiqədə məhsuldar ötürmə ilə yadda qalan portuqaliyalı oyunçu "qırmızı-şeytanlar"da turnir tarixində ardıcıl 6 matçda bunu bacaran ilk futbolçusu kimi tarixə düşüb. Fernandeş klubun sabiq yarımmüdafiəçisi Devid Bekhemin 1998-ci ildəki rekordunu qırıb.

Qeyd edək ki, Brunu Fernandeş cari mövsüm "Mançester Yunayted"in heyətində 34 oyuna çıxıb, 9 qol və 14 məhsuldar ötürmə ilə yadda qalıb.

Oxşar xəbərlər

Kərim Benzema yeni uğura imza atdı - Çempionlar Liqasında

“Mançester Yunayted”in futbolçusu qəza keçirdi – FOTO

Ən yaxşını azarkeşlər seçir - Avropa Liqası

Həftənin rəmzi komandası - Avropa Liqası

Portuqaliyalı Premyer Liqanın ən yaxşısı oldu