UEFA Konfrans Liqasının rəsmi "Tvitter" hesabı "Qarabağ" haqda növbəti paylaşım edib.

Sportfm.az xəbər verir ki, paylaşımda Ağdam təmsilçisinin Azərbaycan Premyer Liqasının 15-ci turunda "Neftçi"yə 2:1 hesabı ilə qalib gəldiyi və ən yaxın izləyicisi "Qəbələ" ilə xal fərqini 10-a çatdırdığı yazılıb.

Qeyd edək ki, "Qarabağ" Konfrans Liqasının pley-off mərhələsində "Marsel"lə (Fransa) qarşılaşacaq. Komanda ilk görüşünü fevralın 17-də səfərdə, cavab oyununu fevralın 24-də evdə keçirəcək.