Milli komandaların heyətində ən çox oyun keçirən futbolçuların siyahısında dəyişikliklər olub.

Sportfm.az xəbər verir ki, buna yığma səviyyəli yoxlama və rəsmi matçlar səbəb olub.

100 və daha çox görüşə çıxanların siyahısında yer alan yeganə Azərbaycan təmsilçisi Rəşad Sadıqovun da mövqeyində dəyişiklik olub. Millimizdə 111 matça çıxan sabiq kapitan 3 pillə geriləyib.

Abdelkarim Hassan (Qətər), Tomas Rinkon (Venesuela) və Maya Yoşida (Yaponiya) milli forma ilə 112-ci oyuna çıxıb. Bu “üçlük” Sadıqovu arxada qoyub.

Təmsilçimiz sıralamada 309-319-cu yerləri bölüşən oyunçular arasındadır. Rəşad kimi daha 10 futbolçu 111 dəfə milli forma geyinib.

Həmyerlimizin şərikləri Qodfri Çitalu (Zambiya), Camal Busuttil (Malta), Andrey Şevçenko (Ukrayna), Karlos Valderamma (Kolumbiya), Rikardo Qardner (Yamayka), İqor Akinfeyev (Rusiya), Mehdi Kərim (İraq), Emilio İzaquirre (Honduras), Animal Qodoy (Panama) və Yoşimar Yotundur (Peru).

Qeyd edək ki, cədvəldə yığmada 100 və daha çox oyun keçirən 575 futbolçu yer alıb. İlk pillədə Malayziya millisində 195 matç keçirən So Çin Andır.
 

Oxşar xəbərlər

“Qəbələ”də ən çox oyuna çıxan futbolçular

Mahmud Qurbanova bir qədər də yaxınlaşdılar

100-ə nə qaldı? - Rəşad Sadıqov rekordun astanasında

Millidə 100 oyun keçirdi

Azərbaycan 1 pillə gerilədi - UEFA reytinqi